2 сентября 2018 г.

У раённай дзіцячай бібліятэцы прайшоў летапіс гісторыі «Беларуская кніга: шляхамі стагоддзяў», прысвечаны Дню беларускай пісьменнасці. Мерапрыемства суправаджалася медыя-аглядам “Кнігі ў Беларусі: гісторыя ўзнікнення”
Бібліятэкар пазнаёміла вучняў аб гісторыі ўзнікнення беларускай кнігі,  з выдатнымі гістарычнымі асобамі беларускай зямлі: Еўфрасіння Полацкая, Францыск Скарына, Кірыла Тураўскі і інш. У займальнай форме вядучая расказала пра старажытную гісторыю Беларусі, пра беларускі край, паведала аб тым, які матэрыял выкарыстоўваўся ў старажытнасці для напісання кніг, з чаго рабіліся пераплёты кніг. Вучні пазнаёміліся з экзатычнымі кнігамі, завочна падзівіліся на самую малую і самую вялікую кнігу ў свеце. Таксама цікава прайшлі літаратурныя віктарыны, конкурсы:  “Пісьмовыя крыніцы»,“Моўная скарбонка”, “Пагуляем у перакладчыкаў”, “У друкарні”, “На лепшую Буквіцу”.
Асаблівая ўвага вучняў была звернута накніжную выставу — прагляд “Святло беларускага пісьменства”, ля якой прайшоў агляд літаратуры.