15 лютага 2020 года

Лабковіцкая інтэграваная бібліятэка – музей сумесна з Лабковіцкім домам культуры арганізавалі і правялі патрыятычную гадзіну “Песні Афгана ім душу апалілі…”, прысвечаную Дню памяці воінаў – інтэрнацыяналістаў. Вядучыя мерапрыемства яшчэ раз нагадалі пра трагічныя падзеі афганскай вайны. Загадчыца бібліятэкі-музея пазнаёміла ўдзельнікаў мерапрыемства з матэрыяламі музейнай экспазіцыі “Воіны-інтэрнацыяналісты – нашы землякі”, кніжнай экспазіцыяй “Подзвіг і памяць Афганістана”. Мерапрыемства суправаждалася праглядам відэаролікаў пра афганскую вайну, чытаннем вершаў, прысвечаных тым падзеям, прагучалі запісы песен групы “Блакітныя берэты”.