Карамазаў
Віктар Філімонавіч
Карамазаў Віктар Філімонавіч,
нарадзіўся 27.06.1934 г. у г.Чэрыкаве Магілёўскай вобласці. Пісьменнік,
аўтар кніг аповесцей і апавяданняў, лаўрэат Дзяржаўнай прэміі БССР імя
К.Каліноўскага (1990) за кнігу публіцыстыкі “Проста ўспомніў я
цябе...”. Скончыў аддзяленне журналістыкі філалагічнага факультэта
Беларускага дзяржаўнага універсітэта імя У.І.Леніна (1958). Працаваў
адказным сакратаром чэрыкаўскай раённай газеты “Сацыялістычная
перамога”, крычаўскай раённай газеты “Шлях сацыялізма”, загадваў
аддзелам у міжраённай газеце “Новае жыццё” (Крычаў). У 1962 – 1963 гг.
– уласны карэспандэнт абласной газеты “Магілёўская праўда”. З 1964 г.
працаваў у газеце “Звязда” – супрацоўнікам, потым загадчыкам аддзела
навукі, ВНУ і школ, а затым загадчыкам аддзела літаратуры і мастацтва.
У 1969 – 1971 гг. быў літаратурным супрацоўнікам, пасля загадчыкам
аддзела культуры газеты “Літаратура і мастацтва”, загадчыкам аддзела
мастацкіх фільмаў Галоўнай рэдакцыі “Тэлефільм”, членам
сцэнарна-рэдакцыйнай калегіі Беларускага тэлебачання. З сакавіка 1982
г. – загадчык аддзела публіцыстыкі часопіса “Полымя”. У 1982 – 1986 гг.
– кансультант СП БССР. Член СП СССР з 1969г. Узнагароджаны ордэнам
“Знак Пашаны”. Першае апавяданне надрукаваў у 1958 г. (альманах
«Советская Отчизна»). Аўтар кніг, аповесцей і апавяданняў “Падранак”
(1968), “Па талым снезе” (1973), “Спіраль” (1974), “Вясёлка сярод зімы”
(нарысы, 1978), “Дзень Барыса і Глеба” (1981), “Дома” (1984), “Дзяльба
кабанчыка” (выбранае, 1988), “Глядзіце ў вочы лемуру” (аповесць-эсэ,
1989), “Проста ўспомніў я цябе...” (публіцыстычная проза, эсэ, 1989),
раманаў “Пушча” (1979, экранізаваны ў 1988), “Бежанцы” (часопіс
“Полымя”, 1990).
Аўтар сцэнарыяў
мастацкага тэлевізійнага фільма “Зялёныя фрэгаты” (пастаўлены ў
1974) і шэрага дакументальных кінастужак.