17 июля 2020 года

У рамках святочных мерапрыемстваў, прысвечаных 96-годдзю Крычаўскага раёна, якія праходзілі на праспекце Камсамольскі, гарадскімі бібліятэкамі ДУК “Бібліятэчная сетка Крычаўскага раёна” была падрыхтавана інтэрактыўная літаратурная пляцоўка “Крычаўскі раён: старонкі гісторыі і сучаснасці”. Госці пляцоўкі знаёміліся з цікавымі выставычнымі экспазіцыямі: «Крычаўскі раён: погляд праз гады», «Крычаўскі раён: Эканоміка. Прамысловасць. Развіццё», «Крычаўшчына – край мужнасці і гераізма». На выставах былі прадстаўлены кнігі, выданні, падрыхтаваныя супрацоўнікамі бібліятэк, прысвечаныя гісторыі і сучаснаму развіццю нашага горада і раёна, мужнасці і гераізму нашых землякоў у гады Вялікай Айчыннай вайны. Кніжная выстава «Сузор’е талентаў ад Крычаўскай зямлі» была прысвечана нашым таленавітым землякам, пісьменнікам, паэтам. Усе жадаючыя маглі прыняць удзел у цікавых і пазнавальных гульнях і віктарынах: бібліягід «Pro Кричев», гісторыка-краязнаўчая гульня «По местам боевой славы», фота-віктарына «Славутыя землякі нашага горада», віктарына-лато «Любі і ведай, свой край». Маленькіх наведвальнікаў нашай пляцоўкі чакала арт-прастора «Чытанкі-маляванкі-забаўлянкі», дзе яны маглі пазнаёміцца з кнігамі пісьменнікаў-землякоў, маляваць любімыя родныя мясціны.