2 сентября 2023 года

Дзень беларускага пісьменства праводзіцца штогод у першую нядзелю верасня. Да свята беларускага кнігадрукавання для вучняў 10-ых класаў ДУА «Сярэдняя школа №1 г. Крычава» была праведзена літаратурна-гістарычная гадзіна «Падарожжа да вытокаў». Вучні здзейснілі вандраванне ўглыб гісторыі ўзнікнення пісьменства і кнігадрукавання. Пазнаёміліся з традыцыяй святкавання Дня беларускага пісьменства ў Беларусі, прынялі ўдзел у віктарынах «Наш Скарына», «Гісторыя беларускага пісьменства», «Хто хутчэй?» і г.д. Завяршылася мерапрыемства знаёмствам з літаратурай, прадстаўленай на выставе-праглядзе «Дзень беларускага пісьменства – сімвал шанавання культурнай і духоўнай спадчыны».