24 июля 2018 г.

У раённай дзіцячай бібліятэцы быў праведзены літаратурны ланцужок «Завітала ў госці казка». Дзеці разам з бібліятэкарам адправіліся ў падарожжа па краіне беларускіх народных казак. Дзве каманды спаборнічалі паміж сабой, каб вызначыть лепшага знаўцу беларускіх казак. Каманды адказвалі на пытанні ў конкурсе «Лепшы знаўца беларускіх казак», збіралі назвы з фрагментаў ў спаборніцтве «Хто хутчэй?», адгадвалі аўтараў казачных тэлеграм у віктарыне «Якая казка?», разгадвалі казачную крыжаванку. Каманда-пераможца атрымала ўзнагароду. Мерапрыемства завяршылася аглядам ля кніжных выстаў «У краіне беларускіх казак», «Сонечныя сустрэчы з кнігай».